|
| 呢個聖誕真係唔知咩料子, 用瘋狂黎形容我都覺得唔夠貼切... 瘋狂er聖誕<=ok乎=p!? 12月24日 平安夜 屋企搞個大party.. 曾特首,, 胡主席,, 溫總理,, 奧總統,, 鄧小平......等等 除上以上各界人士之外, 其他界別人士都出席了。 雖然同老豆老母堆fd完全唔熟, 不過呢晚過得又幾開心. 當然, 出去倒下數梗係有另一種feeling=] 不過同屋企人過, 亦有另一種溫暖. 最記得老豆又比人灌醉, 同埋姑丈既無酒自醉=] 2點訓又訓唔著, 終於搞搞下成4點先訓到... 翌日, 12月25日 聖誕節 其實我已經好鬼早起身, 9點50分仲要上埋msn示個威=] 但就係比謝浩文嘈兩嘈, 結果又遲到. 不過正如我所料, 石春係一定一定墊我底既=d 點知今日仲要早過謝浩文7__7 過新世紀買飛join賤西,6文.., avatar again=] 一個星期睇第2次, 下星期一阿媽仲叫我陪佢睇多次:-o瘋狂 但就正如我呢日所講, 呢套戲真係入場睇100次都抵=] 2hrs45mins打破哂謝浩文"110蚊睇場戲!?唔係掛!?!?"既念頭. 有d位, 我明明知道劇情, 不過一樣比佢感動到=]太強太亢奮 
呢張睇戲之前影, m記進餐, 孤立了石春=p 事實證明我地係岩既, 睇完戲成班陪石春去買禮物. 新世紀...朗豪坊...潮特...乜鬼都行哂. 最記得有間野- -入面d商品超級有情趣...... 之後本身諗住大隊直殺入沙田圍, 石春條友無神神話要返去搵親戚, 真係oh shit~~太乜掃興-_+ 搭火車, 賤西懷疑6文留左一條薯條係佢個袋度xd 到達目的地, 個阿叔係咁叫我地唔好浪費食物, 好環保 6點左右入席- -勁鬼早,, 
呢間野真係估佢唔到咁好食, 沙爹湯底, 超夠味=]完勝嘉豪 食物種類又多, 賤西仲偷埋人地煲仔飯d蠟腸... 打邊爐食蠟腸, 問你試過未=]? 食下野, 吹下水, 打陣機渡過~ 9點幾, 本身想搞串個party, 但係個個都變哂貧友, 太sad. 結果行左去左我主場=]沙田文化中心. 估佢唔到咁有聖誕feel 路途中比謝浩文強暴, 不停見到街上d途人情侶用奇怪眼光望住我地=]笑死. 
城門河的日與夜=] 坐低玩下啤牌, 鋤下dee 玩左成4,5個鐘都有- -"坐到腳都就斷 最後輸左3x蚊. 陸文贏錢野飲都唔請, 唔係太岩=] 真係忘記左上年邊個大爺請你地食杯麵. 玩到2點半散band 眼訓到連psp同褸都唔記得拎7__7 返到屋企沖個涼, 唔想訓住- -係度睇之前買落既nba 2002asg 睇返mj 炒樽果幕 睇左半場左右, 4點幾~訓 12月26日 boxing day要打boxing=] by石春. 原本以為今日有得抖一抖, 但原來一會比阿媽約左, 全家一齊去買表姐婚禮用d衫. 表弟好文塞, 點都要著自己對星星鞋...... 搞鬼左大半日. 突然有聖誕禮物收=] 買左個新籃球, 2百幾蚊nike 真係一分錢一分貨, 同百零蚊火車頭真係爭十倍feel 手感一流=] 好想快d落場試下射返兩手. 仲有曙光在身旁=] 努力努力. =================================================== 呢排吹得水多, 對人生唔多唔少又有新體會, 不過我唔打算係度講, 應該話, 其實冇乜值得講. 人生觀, 應該一人有一套. 或許有陣時會自以為太了解自己, 確實, 未必, 但亦不要否定什麼. 因為 我是我。 我不執著於同化任何人, 抑或改變人. 因為 你是你 我不喜歡別人改變 或否定 我的想法. 因為 我是我 er......也許是有點自我 ok,,我承認=] 偶爾吧. 繞路也無悔=] 以上。 p.s.不經不覺打左超多字:-o多謝謝浩文相片提供 | | |
| 聖誕假期終於來臨, 今年好似幾多粉腸返返黎香港, 有緣真係要見見面, 聚聚舊=] 兩個禮拜假, 聽落好長, 實質又過得好快. 仲記得上年呢個時間開始練射波, 唔知點解, 我覺得冬天練射波係最有效率.. 特別係呢個天氣, 個身體硬係好似唔多協調, 手感更加唔洗講, 單手拍下波都會甩, fxxk~ 今年, 其實幾想日日落樓下跑下步or打下波, 操返fit呢個潺弱既身軀 但係我又feel到自己再唔溫書, 真係一科都唔洗旨意pass...=] 不過我係屋企真係完全溫唔到書, 有冇粉腸一齊出去溫書呀!?!?!? 十餘日, 冇. 得. 停. =] 殺殺殺~!!! | | |
| 一起身, 第一句 : 完全訓到痴左線... 12月21日 又要講多句, 人生最後的學校聖誕聯歡日. 用阿忠一齊相約遲返半個鐘先返去, 咁岩撞到/+號. 返到去其實係悶死, 淨係記得唔係吹水食野就打機, 仲有同王子影多好鬼多基相:-o 
呢張我真係唔知點影-,- 7得黎好搞笑, 益下你地
  
留意隻手 , so基:-o 
集體gay 我覺得miss張真係好搞笑, 好似長期都係認真mode咁樣, 同佢講笑, 佢都以為係認真, 仲頂癮過d人用認真樣子黎講笑xd 
7A4難得齊人既班相=] 講真, d人成日話我同趙家瑋好似, 本身我就唔係幾覺. 不過睇返呢張相, 真係突然我都覺得幾鬼似= =""  
俯視你班矮仔=] 放學,,聯歡活動開始=] join埋聖人rudy,殺出旺角買飛 當然係睇阿凡達 avatar=] 睇1640, 有耐都未夠鐘. 山長水遠去試下傳說中既肥公. rudy不斷強調佢係肥仔公......太文塞. 的確係幾好食, 特別係牛腩同豬腸so正, 跟住淫濠同foxy走去打機, 大隊就直衝北河街羽毛球場. 忠,瑋,懷之,班長,/+,盧輝......應該係呢幾個=p 懷之原來fd底黎- -大家都係唔識打 打黎打去冇乜進步, 打得中個波叫做有交待=p 之後就係重頭戲!!! 阿凡達avatar!!!!! 
mk join返淫濠同foxy, 一行6人, 忠,rudy,淫濠,foxy,盧輝~殺殺殺~!! 個個講到呢套係十年難得一見既神片. 我都覺得呢套真係好好睇, 但又未至於咁神.. 先唔講個特技 個劇本寫得幾好, 至少表達到果種感情與理智既衝突. 仲帶到d反戰意思出黎. 最鐘意就係個主角偶爾彈兩句讀白出黎, 好有詩意feel.=] 睇完之後個個變哂na'vil= =,係度講星球話. 依家msn list上, 更加反映哂d人既中毒情況......真係痴哂線. 睇完唔知食乜, 又話大排檔, 又話日本野, 又話k buffet, 又話打邊爐...... 最後都係又去左打邊爐...... 11,12月真係打到就黎嘔= =" 間野幾好食, 不過就冇雞子食, sosad 又鋤dee,,其實就冇乜精神玩. 食到11點幾, 淫濠走先. 5丁友仔, 走左去公園吹吹水, 點知一吹就2點幾. 冇車走, 決定吹通頂=] 豁哂出去~ 結果...... 今日又比人吊了=p | | |
| 呢輪太忙- -,,依家先有時間打xanga 不過呢日仍然唔會忘記=] 12月12日 we are hong kong!! 香港足球隊歷史性奪得東亞金牌. 遺憾係冇得現場見證. 香港大球場既紅海. 葉鴻輝既撲救 換來12碼既勝利=] 打敗日本仔~ 一報三年零八個月既仇恨!! 誇張左小小=D哈,, 第一次對香港咁有歸屬感,=P 成王敗寇. 打實你班倭寇=] 太熱血,, 幾時先可以運動一下??\__/ | | |
| 今日真係熱血到爆炸,, 朝早去左睇iverson復出第一戰, 76人對金塊, 其實成場波76人都打得好好, iggy直頭爆哂seed, 睇到我爭d係自修室尖叫=] iverson都打得唔錯, 雖然速度慢左, 不過睇得出組織力真係好左, young呢個後生仔又係幾值得期待=] 成場波真係輸左比lawson同jr.smith 第四節開波比人打個14比0既run....... 唉~__~諗起都傷心,, 放學去撐撐謝浩文既7at 對住有阿基受傷既7s, 上半場真係打得好差, 輸住2比0 打半場有返攻勢, 多左組織, 試過追住2比1, 可惜~___~ 最後輸3比2, 其實輸得幾唔抵. 連我呢個旁觀者都唔甘心, 真係睇到我腳痕痕, 手癢癢=] 好想打籃球!!!好想踢足球!!! !!!!!!!!!!!!!!!!!!!!!!!!!!!!!!!!!!!!!!!!!!!!!! | | |
|
